Ինդոնեզիայի մայրաքաղաք Ջակարտայի իշխանությունները որոշել են պատիժ սահմանել COVID-պատվաստումից հրաժարվողների համար։ Այս մասին հայտնում է Reuters գործակալությունը։
Նշվում է, որ այդ դեպքում մայրաքաղաքի բնակիչներին կառաջարկվի պատժի 2 տարբերակ՝ սոցիալական օգնության արգելափակում կամ մոտ 357 դոլարի տուգանք։
Ջակարտայի վարչակազմից հայտնում են, որ նման միջոցառումներն անհրաժեշտություն են, քանի որ քաղաքին է բաժին ընկնում երկրում բոլոր վարակվածների մոտ ¼-ը։
Երկրում պատվաստումները սկսվել են հունվարին։ Իշխանությունները ծրագրում են 15 ամսում պատվաստել 270 մլն բնակչությունից 181․5 միլիոնին։
Ընդհանուր առմամբ երկրում մինչ օրս գրանցվել է կորոնավիրուսի 1․25 մլն դեպք, որից 33 969-ը՝ մահվան ելքով։
