ՀՀ նախագահ Արմեն Սարգսյանը վերադարձել է Հայաստան։ Այս մասին 24News-ի հետ զրույցում ասաց նախագահի օգնական Հասմիկ Պետրոսյանը:
Նա Նաև տեղեկացրեց, որ Սարգսյանը բուժումը շարունակելու է Երևանում։
Հիշեցնենք, որ Արմեն Սարգսյանն արձակուրդի շրջանակում Նոր տարին դիմավորել է Լոնդոնում` ընտանիքի ու թոռնիկների հետ:
Հունվարի 3-ին նախագահ Սարգսյանը Լոնդոնում ենթարկվել է ոտքի վիրահատության, որը բարեհաջող է անցել:
Սակայն, նախագահի մոտ ի հայտ են եկել նոր տեսակի կորոնավիրուսի ախտանշաններ․ նրա
հանձնած թեստը դրական արդյունք է տվել, որի պատճառով նա չէր կարողանում վերադառնալ
հայրենիք: Նախորդ շաբաթ Արմեն Սարգսյանը հայտարարություն էր տարածել, նշելով, որ մինչև
շաբաթվա վերջ կվերադառնա, եթե բժիշկները թույլատրեն:
