Ձմեռային զորակոչը սկսվել է փետրվարի սկզբին, սակայն Հայաստանից ժամկետային զինծառայողներ այլևս չեն գնա Արցախ, նրանք կծառայեն միայն հանրապետության տարածքում տեղակայված զորամասերում, հղում անելով սեփական աղբյուրներին՝ գրում է «Սպուտնիկ Արմենիան»:
Աղբյուրին նաև հաջողվել է պարզել, որ ավանդական վիճակահանության ժամանակ Արցախի զորամասերն այլևս չեն նեռավելու զինծառայության վայրի տարբերակների շարքում:
Հիշեցնենք, որ ավելի վաղ մամուլում և սոցցանցերում տեղեկություն էր տարածվել Լեռնային Ղարաբաղի Պաշտպանության բանակի կազմալուծման մասին: Անվտանգության խորհրդի քարտուղար Վիտալի Բալասանյանը հայտարարել էր, որ իշխանությունը զբաղված է պայմանագրային հիմունքներով մասնագիտական զորամասեր ստեղծելու հարցով, իսկ նախագահ Արայիկ Հարությունյանը հերքել էր ՊԲ-ի կազմալուծման մասին լուրը:
