Ոստիկանությունը վարչական գործ է հարուցել Օրենբուրգի բնակչուհու դեմ. նրա երեխաներն իր ներկայությամբ ձյան միջոցով մարել են Անմար կրակը, հայտնում է ՌԻԱ «Նովոստին»՝ հղում անելով Օրենբուրգի շրջանի ՆԳՆ մամուլի ծառայությանը:
Դեկտեմբերի 26-ին Օրենբուրգի Հաղթանակի պողոտայում գտնվող հուշահամալիրում կնոջ ներկայությամբ երեխաները մարել են կրակը:
Կառույցից հայտնել են, որ մոր համար կազմվել է վարչական արձանագրություն անչափահասների պահելու և դաստիարակելու պարտականությունները չկատարելու մասին:
Այժմ կինը պարտավոր է տուգանք վճարել:
