Որքան ուրախալի է լսել, որ 61-օրյա անհայտությունից հետո գտնվել ու փրկվել են Հադրութի շրջանի բնակիչներ հայր ու որդի Միքայել ու Գեղամ Պետրոսյանները՝ համապատասխանաբար 85 և 56 տարեկան: Այս մասին Ֆեյսբուքի իր էջում գրել է ԱՀ ՄԻՊ Արտակ Բեգլարյանը:
«Մեծ շնորհակալություններ ԱՀ ԱԻՊԾ ու ՊԲ ծառայողներին, ռուս խաղաղապահների ու Կարմիր Խաչի ներկայացուցիչներին՝ իրենց ամենօրյա ծանր աշխատանքի համար, ինչի շնորհիվ նոյեմբերի 13-ից սկսած արդեն 9 ողջ և ավելի քան 1000 մահացած անձ է գտնվել»,- գրել է Բեգլարյանը:
Հիշեցնենքջ որ որոնողափրկարարական աշխատանքների արդյունքում հայտնաբերված 2 քաղաքացի՝ հայր և որդի Միքայել և Գեղամ Պետրոսյանները, ռուս խաղաղապահների և կարմիր խաչի միջազգային կոմիտեի ուղեկցությամբ քիչ առաջ տեղափոխվել են Ստեփանակերտ: Այս մասին հայտնում է ԱՀ Արտակարգ իրավիճակների պետական ծառայությունը:
