«Եռաբլուր» զինվորական պանթեոնի մուտքի մոտ լարված իրավիճակ է ստեղծվել. ՀՀ ոստիկանության աշխատակիցները փորձում են ազատել ճանապարհը պատնեշ կազմած մի խումբ քաղաքացիներից, ովքեր կանգնել են ու փորձում են թույլ չտալ ՀՀ վարչապետ Նիկոլ Փաշինյանի գլխավորած սգո երթի մասնակիցներին մուտք գործել «Եռաբլուր»-ի տարածք:
Երևանում Հանրապետության հրապարակից մեկնարկած՝ Արցախի պատերազմի նահատակների հիշատակի սգո երթը արդեն իսկ մոտեցել է պանթեոնին:
Երթին մասնակցում են նաև Ազգային ժողովի նախագահ Արարատ Միրզոյանը և բարձրաստիճան այլ պաշտոնյաներ:
Հայաստանում և Արցախում դեկտեմբերի 19-ից հայտարարված է եռօրյա սուգ:
