ՄԱԿ-ի գլխավոր քարտուղար Անտոնիո Գուտերեշը նախազգուշացրել է, որ աշխարհը բախվելու է վերջին 80 տարվա տնտեսական վատագույն անկման՝ հայտնում է ՌԻԱ Նովոստին:
Նա նշել է, որ կորոնավիրուսային համավարակի սոցիալական և տնտեսական ազդեցությունը շարունակում է աճել: Կազմակերպության գլխավոր քարտուղարի խոսքով՝ ոչ մի COVID-19 պատվաստանյութ չի կարող ուղղել արդեն հասցված վնասը:
«Մենք կանգնած ենք վերջին ութ տասնամյակում ամենամեծ գլոբալ անկման առջև», – ասել է Գուտերեշը Նոբելյան մրցանակի ֆորումում ելույթի ժամանակ:
Ըստ նրա՝ ներկայում մոլորակի վրա ծայրահեղ աղքատության մակարդակն ու սովի սպառնալիքը աճում են:
