ՌԴ նախագահ Վլադիմիր Պուտինն ու Գերմանիայի կանցլեր Անգելա Մերկելն այսօր հեռախոսազրույց են ունեցել: Կրեմլի պաշտոնական կայքի փոխանցմամբ՝ մանրամասն քննարկվել է Լեռնային Ղարաբաղի հարցը:
Վլադիմիր Պուտինը Անգելա Մերկելին տեղեկացրել է ռազմական գործողությունները դադարեցնելու նպատակով ձեռնարկված միջնորդական ջանքերի, ինչպես նաև Բաքվի և Երևանի խնդրանքով շփման գծի և Լաչինի միջանցքի երկայնքով տեղակայված ռուս խաղաղապահների գործունեության մասին։
Խոսակցության ընթացքում ընդգծվել է, որ Ռուսաստանի, Հայաստանի և Ադրբեջանի՝ նոյեմբերի 9-ի հայտարարությամբ ձեռք բերված պայմանավորվածությունների կատարումը նպաստում է տարածաշրջանում ընդհանուր իրավիճակի կարգավորմանը։
Կողմերը նշել են Ռուսաստանի կողմից ստեղծված Մարդասիրական արձագանքման կենտրոնի աշխատանքներում միջազգային մասնագիտացված կառույցների ներգրավման անհրաժեշտությունը:
