Արցախի վերահսկողությունից դուրս մնացած համայնքներում հաշվառված բոլոր քաղաքացիները միանվագ 300 հազար դրամ աջակցություն կստանան. փոխհատուցում տրվում է ընտանիքի յուրաքանչյուր անդամին։
Ծրագրից օգտվելու համար քաղաքացին պետք է էլեկտրոնային դիմում ներկայացնի այստեղ՝ https://bit.ly/39GJ1hM
Արցախում հաշվառված քաղաքացիներին աջակցության միջոցառում
(ՀՀ կառավարության 21.11.2020թ. N 1820-Լ և 27.11.2020թ. N 1891-Լ որոշումներ)
1. Միջոցառման նպատակը Ադրբեջանի կողմից 2020 թվականի սեպտեմբերի 27-ին սանձազերծված պատերազմի հետևանքով տեղահանված Արցախի քաղաքացիներին սոցիալական աջակցության տրամադրումն է:
2. Միջոցառմամբ սահմանված սոցիալական աջակցությունը տրամադրվում է տեղահանված և փաստացի Հայաստանի Հանրապետությունում կամ Արցախում գտնվող Արցախի այն քաղաքացիներին, որոնք ունեն ստորև կցված ցանկուն ներառված Արցախի համայնքի հաշվառում և մինչև 2020 թվականի սեպտեմբերի 27-ը առնվազն վերջին 3 ամիսը փաստացի բնակվել են այնտեղ:
Ց Ա Ն Կ
ԱՐՑԱԽԻ ՀԱՄԱՅՆՔՆԵՐԻ
Քաշաթաղի շրջան
| 1. | Կովսական | 19. | Իշխանաձոր | 37. | Մուշ | ||
| 2. | Միջնավան | 20. | Լեռնահովիտ | 38. | Նորաշենիկ | ||
| 3. | Որոտան | 21. | Ծաղկաբերդ | 39. | Շալուա | ||
| 4. | Ալաշկերտ | 22. | Ծիծեռնավանք | 40. | Սարատակ | ||
| 5. | Աղաձոր | 23. | Ծոբաձոր | 41. | Սոնասար | ||
| 6. | Աղանուս | 24. | Կերեն | 42. | Ներքին Սուս | ||
| 7. | Աղավնատուն | 25. | Կումայրի | 43. | Վակունիս | ||
| 8 | Այգեհովիտ | 26. | Հակ | 44. | Վաղազին | ||
| 9. | Այգեկ | 27. | Հակարի | 45. | Վան | ||
| 10. | Արախիշ | 28. | Հայկազյան | 46. | Վարդաբաց | ||
| 11. | Արծվաշեն | 29. | Հոչանց | 47. | Վուրգավան | ||
| 12. | Արտաշավի | 30. | Ձորափ | 48. | Տիգրանավան | ||
| 13. | Գանձա | 31. | Ղազարապատ | 49. | Ուռեկան | ||
| 14. | Գետամեջ | 32. | Մամարք | 50. | Փակահան | ||
| 15. | Գետափ | 33. | Մարտունաշեն | 51. | Քաշունիք | ||
| 16. | Գողթանիկ | 34. | Միրիկ | 52. | Քարեգահ | ||
| 17. | Դրախտաձոր | 35. | Մշենի | ||||
| 18. | Երիցվանք | 36. | Մոշաթաղ |
Մարտակերտի շրջան
| 1. | Նոր Սեյսուլան | 4. | Նոր Կարմիրավան | 7. | Թալիշ | ||
| 2. | Հովտաշեն | 5. | Նոր Այգեստան | 8. | Մատաղիս | ||
| 3. | Նոր Հայկաջուր | 6. | Նոր Մարաղա |
Շահումյանի շրջան
| 1. | Քարվաճառ | 7. | Զուար | 12. | Հավսաթաղ | ||
| 2. | Ակնաբերդ | 8. | Նոր Էրքեջ | 13. | Նոր Մանաշիդ | ||
| 3. | Նոր Բրաջուր | 9. | Խարխափուտ | 14. | Չարեքտար | ||
| 4. | Նոր Գետաշեն | 10. | Ծար | 15. | Նոր Վերինշեն | ||
| 5. | Դադիվանք | 11. | Նոր Կարաչինար | 16. | Քնարավան | ||
| 6. | Եղեգնուտ |
Հադրութի շրջան
| 1. | Հադրութ | 11. | Թաղոտ | 21. | Նորաշեն | ||
| 2. | Ազոխ | 12. | Խանձաձոր | 22. | Պլեթանց | ||
| 3. | Ակնաղբյուր | 13. | Ծակուռի | 23. | Ջրակուս | ||
| 4. | Այգեստան | 14. | Ծամձոր | 24. | Վարդաշատ | ||
| 5. | Առաջամուղ | 15. | Կարմրակուճ | 25. | Տող | ||
| 6. | Առաքել | 16. | Հակակու | 26. | Տումի | ||
| 7. | Արևշատ | 17. | Հարթաշեն | 27. | Ուխտաձոր | ||
| 8. | Բանաձոր | 18. | Մարիամաձոր | 28. | Քյուրաթաղ | ||
| 9. | Դրախտիկ | 19. | Մեծ Թաղեր | 29. | Մեխակավան | ||
| 10. | Թաղասեռ | 20. | Մոխրենես |
Ասկերանի շրջան
| 1. | Ավետարանոց | 4. | Մադաթաշեն | 7. | Ուղտասար | ||
| 2. | Ակնաղբյուր | 5. | Սղնախ | 8. | Արմենակավան | ||
| 3. | Ջրաղացներ | 6. | Մոշխմհատ |
Շուշիի շրջան Մարտունու շրջան
| 1. | Շուշի քաղաք | 1. | Ջիվանի | 4. | Սարգսաշեն | ||
| 2. | Քարին տակ | 2. | Շեխեր | 5. | Թաղավարդ | ||
| 3. | Ջրաղացներ | 3. | Զարդանաշեն | 6. | Վազգենաշեն |
3. Սոցիալական աջակցությունը տրամադրվում է միանվագ դրամական օգնության ձևով՝ յուրաքանչյուր շահառուի համար 300 000 դրամ։ Ընդ որում, միջոցառման շահառու հանդիսացող անչափահաս երեխաներին միանվագ դրամական օգնությունը տրամադրվում է ծնողին, եթե երեխայի ծնողը հանդիսանում է ծրագրի շահառու:
4. Միանվագ դրամական օգնությունը տրամադրում (նշանակում և վճարում) է Հայաստանի Հանրապետության աշխատանքի և սոցիալական հարցերի նախարարության սոցիալական ապահովության ծառայությունը (այսուհետ՝ Ծառայություն), էլեկտրոնային եղանակով ներկայացվող դիմումի հիման վրա։
5. Դիմումը ներկայացնելու համար անձը օոliոe.ssa.am կայքէջից մուտք է գործում համապատասխան ծրագրային միջավայր և Ծառայություն է ներկայացնում.
1) եթե դիմումը ներկայացնելու պահին շահառուն չափահաս է, ապա շահառուի անունը, ազգանունը, անձը հաստատող փաստաթղթի սերիան ու համարը,
2) եթե դիմումը ներկայացնելու պահին շահառուն անչափահաս է, ապա ծնողի անունը, ազգանունը, անձը հաստատող փաստաթղթի սերիան ու համարը, երեխայի ծննդյան վկայականի էլեկտրոնային լուսապատճենը,
3) շահառուի, իսկ այն դեպքում, երբ դիմումը ներկայացնող շահառուն անչափահաս է՝ ծնողի հետադարձ կապի էլեկտրոնային փոստի հասցեն և բջջային հեռախոսահամարը։
6. Սույն միջոցառումից օգտվելու համար դիմումը պետք է ներկայացվի մինչև 2020 թվականի դեկտեմբերի 20-ը:
7. Միանվագ դրամական օգնությունը տրամադրվում է կանխիկ եղանակով՝ Հայփոստի կամ Արցախփոստի միջոցով:
8. Դիմումը բավարարելու դեպքում շահառուի տվյալները ներառվում են վճարման ցուցակ:
9. Վճարման ցուցակը Հայփոստին փոխանցելու օրվան հաջորդող օրը Ծառայությունն այդ մասին հետադարձ կապի բջջային հեռախոսահամարին էլեկտրոնային հաղորդագրություն ուղարկելու միջոցով տեղեկացնում է շահառուներին։
10. Աջակցության գումարը չի կարող արգելադրվել (դրվել արգելանքի տակ), բռնագանձվել կամ հաշվանցվել հաճախորդի պարտավորությունների դիմաց և ենթակա չէ ժառանգման:
11. Եթե դիմումով ներկայացված տվյալների հիման վրա դիմումը մերժվել է և շահառուն համաձայն չէ մերժման հիմքերի հետ, ապա շահառուն մինչև 2020 թվականի դեկտեմբերի 25-ը ներկայացնում է գրավոր դիմում (այդ թվում՝ առանց էլեկտրոնային թվային ստորագրության, e-request.am կայքէջի միջոցով ներկայացված)՝ կցելով մերժման հիմքերին վերաբերող փաստաթղթերի լուսապատճենները: Այս դեպքում դիմումը քննարկվում է՝ հաշվի առնելով լրացուցիչ ներկայացված փաստաթղթերի լուսապատճենները, իսկ դիմումը հաստատվելու՝ շահառուին միանվագ դրամական օգնություն նշանակելու դեպքում շահառուի տվյալները ներառվում են վճարման ցուցակ։
12. Նշանակված միանվագ դրամական օգնությունը վճարվում է շահառուին (անչափահաս շահառուի դեպքում՝ շահառու ծնողին) կամ նրա տված՝ նոտարական կարգով վավերացված լիազորագիրը ներկայացրած անձին, անձը հաստատող փաստաթղթի հիման վրա։
13. Նշանակված և շահառուի (անչափահաս շահառուի դեպքում՝ ծնողի, ում տվյալները ներառվել են վճարման ցուցակ) մահվան պատճառով մինչև 2021 թվականի մարտի 1-ը չվճարված միանվագ դրամական օգնության գումարը վճարվում է շահառուի ամուսնուն կամ 14 տարին լրացած երեխային կամ Արցախի Հանրապետությունում շահառուի հետ նույն բնակության վայրի հասցեով բնակվող ընտանիքի այլ անդամին, իսկ անչափահաս շահառուի ծնողի մահվան դեպքում՝ շահառուի մյուս ծնողին կամ 14 տարին լրացած քրոջը կամ 14 տարին լրացած եղբորը կամ Արցախի Հանրապետությունում շահառուի հետ նույն բնակության վայրի հասցեով բնակվող ընտանիքի այլ անդամին, եթե դիմումը և անհրաժեշտ փաստաթղթերը (շահառուի մահվան վկայական, դիմողի անձը հաստատող փաստաթուղթ, ազգակցական կապը հաստատող փաստաթուղթը և այլն) ծառայություն է ներկայացվում՝
1) մինչև 2021 թվականի մարտի 1-ը՝ ծառայության կողմից տրված և Հայփոստ ներկայացրած տեղեկանքի հիման վրա.
2) 2021 թվականի մարտի 1-ին և դրանից հետո՝ մինչև 2021 թվականի մայիսի 1-ը ընկած ժամանակահատվածում՝ դրամական օգնություն նշանակելու համար սահմանված ընդհանուր կարգով։
