BioNTech-ի համահիմնադիրն ու աշխարհում ամենահեռանկարային կորոնավիրուսային պատվաստանյութ մշակողներից մեկը՝ պրոֆեսոր Ուգուր Սահինը, մատնանշել է համաճարակի ավարտի մոտավոր ժամկետը: Նա համարում է, որ մոլորակը կկարողանա նորմալ վիճակի վերադառնալ 2021 թվականի վերջին, գրում է BBC- ն:
«Համոզված եմ, որ վիրուսի փոխանցումը մարդուց մարդուն կկրճատվի նման արդյունավետ պատվաստանյութի շնորհիվ: Գուցե նվազումը կլինի ոչ թե 90, այլ 50 տոկոս, բայց սա կարող է նաև հանգեցնել տարածման տեմպի կտրուկ նվազման»,- ասել է Սահինը:
Ուգուր Սահինը կարծում է, որ այս ձմռանը դեռ դժվար է լինելու: Նրա կարծիքով՝ COVID-19-ի պատվաստանյութի ազդեցությունը զգալի կլինի ամռանը, և հաջորդ ձմռանը կյանքը պետք է նորմալանա:
