ԱՄՆ նախագահ Դոնալդ Թրամփն արձագանքել է այն փաստին, որ ամերիկյան լրատվամիջոցները նախագահական ընտրություններում հաղթող են անվանում դեմոկրատ թեկնածու Ջո Բայդենին: Այս մասին նա գրել է իր Twitter-ում:
«Երբվանի՞ց են անորակ լրատվամիջոցները (Lamestream) հայտարարում, թե ով է լինելու մեր հաջորդ նախագահը»,- գրել է Թրամփը:
Նրա խոսքով, աշխարհը «շատ բան է սովորել» վերջին երկու շաբաթվա ընթացքում:
Նոյեմբերի 7-ին ամերիկյան ABC News, FOX News, CNN, AP և NBC առաջատար լրատվամիջոցները հայտարարել են ԱՄՆ նախագահական ընտրություններում դեմոկրատ Ջո Բայդենի հաղթանակի մասին: Սակայն արդյունքները դեռ պաշտոնապես չեն հայտարարվել:
