Ֆրանսիայում Փարիզի մերձակայքում ուսուցչի աղմկահարույց սպանության հետ կապված ահաբեկչությունն արդարացնելու մեղադրանքով ազգությամբ չեչեն մի մարդ է ձերբակալվել, հաղորդում է BFMTV- ն՝ վկայակոչելով դատախազության իր աղբյուրին: Ըստ ալիքի՝ ներքին անվտանգության ուժերի ուշադրությունը գրավել է Twitter- ում երիտասարդի պրոֆիլը:
Այնտեղ նա թողել է մեկնաբանություններ, որոնք, ըստ իշխանությունների, կարող են որակվել որպես ահաբեկչություն: Մասնավորապես, նա «լայք» է դրել Փարիզի մոտ գլխատված ուսուցչի լուսանկարի տակ:
Ավելի ուշ նա կալանավորվել է ահաբեկչությունն արդարացնելու մեղադրանքով: Նախկինում նա նույն մեղադրանքով քրեական հետապնդման էր ենթարկվել 2015-ին՝ Չարլի շաբաթաթերթի խմբագրության վրա իրականացված ահաբեկչությունից հետո:
