Արցախի Հանրապետության նախագահ Արայիկ Հարությունյանը հայտարարել է, որ ակտիվ հանդիպումներ է ունենում աշխարհազորի հետ և Արցախյան առաջին պատերազմի մասնակիցները ներգրավվում են պայքարի մեջ:
«Իրավիճակը շարունակում է օրհասական մնալ: Ակտիվ հանդիպումներ եմ ունենում աշխարհազորի հետ: Բոլորս մեկ մարդու պես պետք է ոտքի կանգնենք: Զոհասեղանին Հայրենիքի փրկության հարցն է: Արցախյան առաջին պատերազմի մասնակիցներին ներգրավում ենք պայքարի մեջ: Երախտապարտ եմ մեր ժողովրդի ցուցաբերած պատրաստակամության և համախմբված կերպով հող հայրենին պաշտպանելու համար»,- «Արմենպրես»-ի հաղորդմամբ՝ նշել է Հարությունյանը:
Արցախի առաջնագծի տարբեր ուղղություններով Ադրբեջանը կրկին անցել է նախահարձակ գործողությունների: Պաշտպանության բանակը դրանք կասեցնելու համար համարժեք քայլեր է իրականացնում: Հադրութի հատվածում ևս լայնածավալ մարտական գործողությունները շարունակվում են:
