ԱԺ Մարդու իրավունքների պաշտպանության և հանրային հարցերի մշտական հանձնաժողովում այսօր նախատեսված երեք հարցերի փոխարեն քննարկվել է մեկը:
«Քաղաքացիական կացության ակտերի մասին» և «Փաստաբանության մասին» օրենքներում փոփոխություններ կատարելու մասին օրինագծերի քննարկումը հեղինակների առաջարկությամբ երկամսյա ժամկետով հետաձգվել է:
Իսկ օրակարգում մնացել է «Երեխայի իրավունքների մասին» օրենքում լրացումներ կատարելու մասին օրենքի նախագիծը:
Այն վերաբերել է 16 տարին լրացած, հոգեկան խնդիրներ ունեցող երեխաներին հոգեբուժական օգնություն ցուցաբերելուն: ԱԺ հանձնաժողովը միաձայն դրական եզրակացություն է տվել նախագծին։
