Ազգությամբ չեխ կինը, որի անունը չի բացահայտվում, եղբոր հարսանիքին ներկայացել է ժանյակավոր սպիտակ հարսի զգեստով՝ իր «անպատշաճ» ընտրության համար արժանանալով բազմահազար օգտատերերի քննադատությանը, գրում է Daily Mail-ը։
Նշվում է, որ նկարը Reddit սոցիալական ցանցում տեղադրել է բրիտանացի մի կին (նրա անունը նույնպես չի բացահայտվում), որից հետո լուսանկարները մեծ տարածում են գտել։
«Այս աղջիկը բացարձակապես հրաշալի տեսք ունի, շշմեցնող, բայց նա հարսնացուն չէ»,- իր հրապարակմանը կից գրել է բրիտանուհին։
Ավելի ուշ նա նշել է, որ հարսանիքը տեղի է ունեցել Չեխիայի Հանրապետությունում, իսկ հարսաեկան զգեստ կրող աղջիկն իրականում փեսայի քույրն է։
Նրա խոսքով՝ աղջիկը, հավանաբար, դիտմամբ չի ընտրել զգեստը և չի պատկերացրել, որ նրան կարող են շփոթել հարսնացուի հետ։
