Օրվա ընթացքում այցելեցինք Լիբանանի պայթյունից տուժած հայաբնակ Բուրջ Համուդ եւ Նոր Հաջըն թաղամասեր, եղանք հայերի բնակարաններում, որոնք մեծ վնասներ են կրել:
Պատգամավոր Հրաչյա Հակոբյանի ֆեյսբուքյան էջից:
Ինչպես ավելի վաղ հայտնել էինք, Հայաստանի Հանրապետության կառավարությունը նախատեսում է օգոստոսի 11-ին հումանիտար աջակցության պարագաներով երրորդ օդանավը ուղարկել Լիբանանի Հանրապետության կառավարությանը: «Արմենպրես»-ի հետ զրույցում ՀՀ փոխվարչապետ Տիգրան Ավինյանի մամուլի խոսնակ Վահան Հունանյանը նշել է, որ այս անգամ ուղարկվող հումանիտար օգնությունը կլինի ավելի քան 12 տոննա:
Հայաստանից առաջին չվերթը կայացել է օգոստոսի 8-ին, երկրորդը՝ օգոստոսի 9-ին: Ինքնաթիռները Լիբանան են տեղափոխել Հայաստանի կառավարության հումանիտար օգնությունը, որը պարունակել է դեղորայք և բժշկական պարագաներ՝ նախատեսված օգոստոսի 4-ին Բեյրութի նավահանգստում տեղի ունեցած պայթյունից տուժածներին օգնություն ցույց տալու համար:
աղբյուրը՝ FreeNews
