«Իշխանությունները որոշել են մի հիմար հիմքով ձերբակալել Վլադիմիր Գասպարյանին»,- այս մասին իր ուղիղ եթերում հայտնել է Վլադիմիր Գասպասրյանի փաստաբան Տիգրան Աթանեսյանը:
Հիշեցնենք ,որ ավելի վաղ փաստաբան Տիգրան Աթանեսյանն իր ֆեյսբուքյան էջում գրառումներ էր կատարել, որտեղ ասվում էր.
«Վլադիմիր Գասպարյանի Սևանի տան մոտակայքում հայտնվել է ոստիկանական Նիվա, իմ տեղեկություններով Երևանից շարժվել է օպերխումբ Գասպարյանին ձերբակալելու համար»,- գրել է նա:
Ավելի վաղ հայտնել էինք, որ ՀՀ ոստիկանության նախկին պետ, գեներալ գնդապետ Վլադիմիր Գասպարյանը դատական հայց կներկայացնի «Ազատություն» ռադիոկայանի աշխատակիցների գործողությունների հետ կապված:
«ՀՀ ոստիկանության նախկին պետ, գեներալ գնդապետ Վլադիմիր Գասպարյանի անունից պատրաստվում եմ հայց ներկայացնել դատարան, կապված օտարերկրյա գործակալական ցանցի հիմնասյուն հանդիսացող Ազատություն ռադիոկայանի աշխատակիցների գործողությունների հետ: ՀՀ քաղաքացու սահմանադրական իրավունքները՝ բնակարանի անձեռնմխելիության, անձնական և ընտանեկան կյանքի գաղտնիության իրավունքները, պետք է պաշտպանված լինեն բոլորից, այդ թվում ապազգային, անհայրենիք ուժերի ոտնձգություններից», — այս մասին ֆեյսբուքյան իր էջում գրել է Աթանեսյանը։
