Այսօր պարոն Մեսչյանը պաշտոնավարում է: Երբ կլինի դիմումը, դրա մասին կհայտարարվի: Այսօր մամուլի ասուլիսում ասաց Երեւանի քաղաքապետ Հայկ Մարությանը Երեւանի գլխավոր ճարտարապետ Արթուր Մեսչյանի աշխատանքից ազատման լուրերի վերաբերյալ:
Հայկ Մարությանը հիշեցրեց՝ Արթուր Մեսչյանը ի սկզբանե խոստացել էր՝ աշխատելու է երկու տարի, որից հետո անցնելու է իր գործերին:
Երեւանի քաղաքապետարանի տեղեկատվության եւ հասարակայնության կապերի վարչության պետ Հովսեփ Կուբատյանն այս մասին հայտնեց.
«Ես չգիտեմ՝ դիմում գրել է, թե ոչ ինչ-որ ամսաթվով, բայց պարոն Մեսչյանը շարունակում է աշխատել»:
«Բամբասանքներ չեմ կարող մեկնաբանել»,- ասաց Երեւանի քաղաքապետարանի տեղեկատվության եւ հասարակայնության հետ կապերի վարչության պետ Հովսեփ Կուբատյանը:
Սոնա Դավթյան
