Իսպանիայի նախկին թագավոր Խուան Կառլոսը կլքի երկիրը: Նա այդ որոշումը կայացրել է սկանդալի ֆոնին, որը կապված է իր դեմ սկսված հակակոռուպցիոն հետաքննության հետ:
Նրա տղան և երկրի ներկայիս միապետ Ֆիլիպ 6-րդը շնորհակալություն է հայտնել հորն այդ քայլի համար: Այս մասին հայտնել է Reuters-ը:
Հունիսին երկրի Գերագույն դատարանը հետաքննություն էր սկսել 82-ամյա նախկին թագավորի դեմ:
Նա կասկածվում է Սաուդյան Արաբիայի հետ բանակցություններում միջնորդության համար կաշառք ստանալու մեջ, որի արդյունքում Մեքքա-Մեդինա գծով արագընթաց երկաթուղու կառուցման պայմանագիրը ստացել է իսպանական ընկերությունների կոնսորցիումը:
Լրատվամիջոցներում հայտնվել է նաև տեղեկություն Խուան Կառլոսի արտասահմանյան բազմամիլիոնանոց հաշիվների մասին:
