Կոմունարկայի հիվանդանոցի գլխավոր բժիշկ Դենիս Պրոցենկոն հայտնել է կորոնավիրուսային հազը տարբերելու ձևը: Այս մասին նա պատմել է «Российской газете»-ի հետ զրույցում:
Նրա խոսքերով՝ COVID-19-ին ուղեկցող հազն ունի առանձնահատուկ տոնայնություն: Դա խորքային հազ չէ, ավելի շատ մակերեսային է: Գումարած դրան՝ պացիենտների մոտ չի վերանում կոկորդում տհաճ զգացողությունը:
Պրոցենկոյի խոսքերով՝ համավարակի ընթացքում Կոմունարկայի հիվանդանոցում կորոնավիրուսի դեմ բուժում է ստացել շուրջ չորս հազար հինգ հարյուր պացիենտ: COVID-19-ի թեստը դրական է ցույց տվել նաև տասնութ բժշկի մոտ: Ինքը՝ Պրոցենկոն, ևս հիվանդացել է կորոնավիրուսով:
Ավելի վաղ Պրոցենկոն հայտարարել էր, որ համավարակի երկրորդ ալիքից Մոսկվայում կարելի է խուսափել սահմանափակումների փուլային մեղմացումների ու մշտական մոնիթորինգի դեպքում:
