ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը հուլիսի 30-ին, ժամը 16։58-ին ահազանգ է ստացել, որ Հարավկովկասյան երկաթուղու «Կարմիր բլուր» կոչվող կայարանում այրվում է չբեռնված շոգեքարշ։
Ինչպես տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատների չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Նախնական տեղեկատվության համաձայն՝ այրվել է շոգեքարշի շարժիչի հատվածը։
Հրդեհը մեկուսացվել է ժամը 17։35-ին, մարվել՝ 18։24-ին։
