«Մարտի 1»-ի գործով ամբաստանյալ Արմեն Գևորգյանի պաշտպան Էրիկ Ալեքսանյանը դատարանին միջնորդեց վերացնել իր պաշտպանյալի գույքի նկատմամբ կալանքը:
Նա հիշեցրեց, որ Երևանի ընդհանուր իրավասության դատարանն արձանագրել էր Արմեն Գևորգյանի իրավունքների խախտում, սակայն չէր պարտավորեցրել վարույթն իրականացնող մարմնին վերացնել խախտումը:
Պաշտպանը նշեց, որ կալանք է դրված Ա.Գևորգյանին պատկանող 1 հողամասի և բոլոր հաշվեհամարների վրա, կալանք է դրված նաև նրա մերձավոր ազգականների բնակարանների վրա:
Արմեն Գևորգյանը նշեց, որ «Արդշինբանկի» իր հաշվին այս պահին կա 11 մլն 68 հազար դրամ: Նա ասաց, որ մյուս հաշիվների վերաբերյալ տեղեկություն դատարանին կներկայացնի գրավոր:
