Ինչպես հայտնել էինք, ավելի վաղ Հայաստանի արտգործնախարարության մամուլի խոսնակ Աննա Նաղդալյանը հայտարարել էր.
«Ադրբեջանը վերջին շրջանում փորձում է տարբեր փաթեթավորմամբ հանդես գալ պատերազմի սպառնալիքներով: Եթե բանակցություններից դուրս գալու իր սպառնալիքն այդ շարքից է, ապա դա մեզ ոչ զարմացնում է, ոչ էլ՝ տպավորում»:
«Ինտերֆաքս» գործակալության խնդրանքով մեկնաբանելով ադրբեջանական ղեկավարության՝ խաղաղ բանակցային գործընթացի մասին օրերս արված հայտարարությունները, Նաղդալյանը, ԱԳՆ լրատվության և հանրային դիվանագիտության վարչության փոխանցմամբ, շեշտել է.
«Հակամարտությունն ունի երեք կողմ, որոնք ստորագրել են հրադադարի համաձայնագրի ներքո: Նախկինում Ադրբեջանը բանակցում էր ինչպես Լեռնային Ղարաբաղի, այնպես էլ՝ Հայաստանի Հանրապետության հետ:
Այնուհետև Ադրբեջանը մերժեց Լեռնային Ղարաբաղի հետ բանակցելը: Եթե այժմ Ադրբեջանը հրաժարվում է Հայաստանի հետ բանակցելուց, ապա պարզ չէ, թե ում հետ է բանակցելու ԼՂ հակամարտության հարցով:
Արդյոք մտադիր է վերսկսել իր բանակցությունները արցախյան կողմի հետ, թե ոչ, մենք չգիտենք»:
«Հայաստանը մերժում է սպառնալիքի լեզուն և հանդես է գալիս խնդրի խաղաղ կարգավորման դիրքերից», — նաև ասել է ԱԳՆ խոսնակը:
Հայկական խորհրդարանական դիվանագիտության ձեռքբերումները՝ լարվածության շրջանում
Հայկական դիվանագիտության փայլուն աշխատանքը՝ սահմանին լարվածության օրերին։ #ՈւժեղենքՄիասին
Posted by Քաղաքացիական պայմանագիր on Friday, July 17, 2020
