Այսօր՝ հուլիսի 15-ին, Գյումրիի Մոր և մանկան ավստրիական մանկական հիվանդանոց է տեղափոխվել 6 տարեկան երեխա գանգուղեղային ծանր վնասվածքներով:
Մեր թղթակցին հիվանդանոցի տնօրենը հայտնել է, որ երեխան ընկել է 8-րդ զինվորական թաղամասի բնակելի շենքի, 4-րդ հարկից: Երեխայի վիճակը բժիշկները գնահատում են ծայրահեղ ծանր:
«Երեխան ընդունվել է գանգուղեղային ծանր վնասվածքով, առանց գիտակցության, այս պահին կատարվելու է համակարգչային տոմոգրաֆիայի, որից հետո բժշկական մյուս միջամտությունները պարզ կլինեն»,- մեր թղթակցի հետ զրույցում ասել է հիվանդանոցի տնօրեն Ժորժիկ Սերոբյանը:
