Գրող Ադենիկե Ադենիտիրը բացահայտել է կորոնավիրուսից մահացած հոր վերջին խոսքերը, տեղեկացնում է Daily Mirror-ը: Գրողը պատմել է լրագրողներին, որ հայրը՝ Էմմանուիլը, մահվանից առաջ ասել է.«Իմ հրաշալի աղջիկ: Նա նայում էր ինձ ու կրկնում նույն բառերը»: Գրողի հայրը մահացել է ապրիլի վերջին՝ կորոնավիրուսից:
«Հենց այդ պատճառով էլ մեզ արգելեցին նրան այցելել: Դա ամենադժվարն էր ինձ համար: Մեր ընտանիքը չկարողացավ լինել նրա կողքին, երբ նա մեր կարիքն ուներ»,- ասել է Ադենիտիրը:
Երբ Էմմանուիլի վիճակը վատթարացավ, բժիշկները զանգահարեցին դստերը և կանչեցին հիվանդանոց, որպեսզի հրաժեշտ տա հորը:
«Ինձ համար շատ դժվար է խոսել այդ մասին, մերայցելությունից մեկ ժամ անց նա մահացավ»,- հիշել է գրողը:
