Վիճակը չի փոխվում։ Մինչ կառավարության անդամները կոչ են անում, խնդրում, հորդորում տանից դուրս չգալ, նվազագույնի հասցնել շփումները, երևանյան բակերը շարունակում են իրենց բնականոն ընթացքով ապրել:
Այս մասին իր ֆեյսբուքյան էջում հայտնել է «Ալիք մեդիա»-ի գլխավոր խմբագիր Արսեն Խառատյանը:
«Օրական 700 վարակվածն ու արդեն 500-ն անցած մահվան դեպքերի պայմաններում, մեր հանրությունը շարունակում է խորը թմբիրի մեջ մնալ:
Ի դեպ, սա բակ է, որտեղ մի քանի օր առաջ Կորոնավիրուսից մահվան դեպք էր գրանցվել:
Գրելս էլ չի գալիս, բայց ինչ արած…»,- գրել է նա։
Հիշեցնենք, որ Հայասանում հունիսի 28-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 24645 դեպք, որոնցից 13116-ն` առողջացած, 426-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 10964 պացիենտ:
Ընդհանուր առմամբ կատարվել է 109173 թեստավորում:
Այսպիսով` ունենք կորոնավիրուսային հիվանդությամբ հաստատված 736 նոր դեպք և 205 առողջացած։
Մահվան դեպքերի վերաբերյալ հայտնում ենք, որ պացիենտները եղել են 33 (տղամարդ), 83 (կին), 87 (կին), 81 (կին), 85 (տղամարդ) և 80 (կին) տարեկան։ Բոլորն ունեցել են ուղեկցող քրոնիկական հիվանդություններ։
Նախորդ օրն արձանագրվել է մահվան 6 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 139 է:
