Կորոնավիրուսի դեպքերի թիվն աշխարհում հատել է 10 միլիոնի շեմը, հաղորդում է Reuters գործակալությունը։ Վարակակիրների թվով առաջատարները շարունակում են մնալ Միացյալ Նահանգները, Բրազիլիան և Ռուսաստանը, տեղեկացնում է «Ազատություն» ռադիոկայանը:
Ընդհանուր առմամբ, ըստ Reuters-ի, կորոնավիրուսի դեպքերի 25-ական տոկոսը բաժին է ընկնում Հյուսիսային Ամերիկային, Եվրոպային և լատինաամերիկյան պետություններին։
«Ասիայում կենտրոնացած է վարակակիրների 11, իսկ Մերձավոր Արևելքում՝ շուրջ 9 տոկոսը»,- հաշվարկել է գործակալությունը։
Նույն աղբյուրի համաձայն` կորոնավիրուսից մահացածների թիվը աշխարհում այսօր հասել է 497 հազարի։
Հիշեցնենք, որ Հայասանում հունիսի 28-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 24645 դեպք, որոնցից 13116-ն` առողջացած, 426-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 10964 պացիենտ:
Ընդհանուր առմամբ կատարվել է 109173 թեստավորում:
Այսպիսով` ունենք կորոնավիրուսային հիվանդությամբ հաստատված 736 նոր դեպք և 205 առողջացած։
Մահվան դեպքերի վերաբերյալ հայտնում ենք, որ պացիենտները եղել են 33 (տղամարդ), 83 (կին), 87 (կին), 81 (կին), 85 (տղամարդ) և 80 (կին) տարեկան։ Բոլորն ունեցել են ուղեկցող քրոնիկական հիվանդություններ։
Նախորդ օրն արձանագրվել է մահվան 6 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 139 է:
