Հոնկոնգցի գիտնականները ներդրել են նոր տերմին՝ կորոնավիրուսի գերտարածողներ: Ոչ բոլոր վարակվածներն են փոխանցում հիվանդությունը, այլ միայն 20 տոկոսը: Վարակի տարածման դեպքերի մոտ 80 տոկոսը տեղի են ունենում նրանց միջոցով, մինչդեռ վարակվածների 70 տոկոսն ընդհանրապես չի փոխանցում հիվանդությունը շրջապատին:
«Գերտարածողները հայտնվում են ավելի հաճախ, քան մենք սպասում ենք, և դա չի կարող պատահական համարվել», – ասում է ուսումնասիրության համահեղինակ Բեն Քոուլինգը Business Insider- ին տված հարցազրույցում: Նա նշել է, որ եթե հնարավոր լինի կանգնեցնել գերտարածումը, դա բոլոր մարդկանց համար միայն օգուտ կլինի:
Բժիշկները չեն կարողանում լուծել կորոնավիրուսի մեկ այլ հանելուկ՝ թրոմբի առաջացման պատճառը: Ավելին, թրոմբները որևէ տեղայնացում չունեն, օրինակ՝ միայն ձեռքի մեջ կամ միայն ոտքերում: Արյան թրոմբները կարող են տեղափոխվել թոքեր, սիրտ կամ ուղեղ:
Լյուիս Կապլանը՝ Փենսիլվանիայի համալսարանի բժիշկն ասել է, որ իրենք նախկինում չէին հանդիպել այդպիսի երևույթի այլ վարակիչ հիվանդությունների դեպքում:
