Չինացի բժիշկ Լի Վենլյանի կինը, որն առաջինն էր հայտնել Ուհանում կորոնավիրուսի բռնկման մասին եւ մահացել էր COVID-19-ի հետեւանքով, առողջ որդի է ծնել: Այս մասին հայտնում է «Լենտան»:
Հանգուցյալի կինը՝ Ֆու Սյուեցզեն WeChat-ի իր էջում նշել է. «Ամուսինս, դու դա տեսա՞ր դրախտում: Ինձ տված քո ամենավերջին նվերն այսօր լույս աշխարհ եկավ»:
Դեռեւս դեկտեմբերի 30-ին Ուհանի Կենտրոնական հիվանդանոցի բժիշկ Լի Վենլյանը համացանցում գործըկերներին հայտնել էր, որ SARS-ին նման հիվանդության 7 դեպքեր են հաստատվել ծովամթերքի շուկայում: Բժշկի գրառումը տարածվել էր չինական տարբեր սոցցանցերում: Հաջորդ օրը նրան եւ վիրուսի բռնկման մասին տեղեկությունները համացանցում տարածած եւս 7 բժիշկների կանչել էին Ուհանի ոստիկանություն եւ նախազգուշացրել՝ համացանցում այլեւս կեղծ հայտարարություններ չկատարել:
Լի Վենլյանը փետրվարի 7-ին, սրտի կանգ տանելով, կորոնավիրուսային ինֆեկցիայի հետեւանքով մահացել էր Կենտրոնական հոսպիտալում: Չինաստանի իշխանությունները ընդունել էին ակնաբույժ Լի Վենլյանի մահը եւ այն բացատրել «արտադրական վնասվածքով»:
