ՀՀ առողջապահության նախարարի մամուլի պատասխանատու Ալինա Նիկողոսյանը ֆեյսբուքյան իր էջում գրառում է կատարել:
«Հարգելի քաղաքացիներ, լրագրողներ
Տեղեկացնում եմ, որ այսօր չի աշխատելու թեստավորում իրականացնող ՀՀ ԱՆ հիվանդությունների վերահսկման և կանխարգելման ազգային կենտրոնի լաբորատորիան, որն իրանացնում է կորոնավիրուսային հիվանդության թեստերի հիմնական ծավալը։
Լաբորատորիայում այսօր իրականացվելու են ախտահանման պրոֆիլակտիկ աշխատանքներ։
Սրանով պայմանավորված՝ վաղվա հետազոտության արդյունքները կլինեն ավելի քիչ»,-նշել է նա։
Ինչպես ավելի վաղ հայտնել էինք, հիվանդությունների վերահսկման եւ կանխարգելման կենտրոնը հրապարակել է կորոնավիրուսով հիվանդացության հաստատված դեպքերի վերաբերյալ նոր տվյալներ:
07.06.2020թ․ ժամը 11։00 դրությամբ՝ գրանցվել է վարակի 766 դեպք, հաստատված դեպքերի ընդհանուր քանակը՝ 13130 է, առողջացել է 4014 մարդ,փաստացի բուժվողների թիվը՝ 8844 է։
Ընդհանուր թեստերվել է 69171 մարդ։
Մահացել 200 պացիենտ, այլ պատճառներով՝ 72 մահ է գրանցվել։
