Դանիել Իոաննիսյանն իր ֆեյսբուքյան էջում գրել է․
Սրանից մի 8-9 տարի առաջ, երբ Արթուր Վանեցյանը ԱԱԾ Էրեբունի և Նուբարաշեն վարչական շրջանների բաժնի պետն էր, ԱԱԾ-ն «մշակում» էր մի ընդհատակյա կազինո, որը, ըստ ամենայնի, փոխկապակցված էր Մհեր Սեդրակյանի հետ:
Մհեր Սեդրակյանը, սակայն, իմանում է ԱԱԾ-ի կողմից պլանավորվող օպերացիայի մասին, և ընդհատակյա կազինոն փակվում է, ինչով և տապալվում է ԱԱԾ-ի կողմից այն բացահայտելու գործողությունը:
Վերջերս ինձ պատմել են, որ տարիներ անց, սակայն, ԱԱԾ-ում իմանում են, որ ինֆորմացիայի արտահոսքը Արթուր Վանեցյանն էր կազմակերպել, ով, ըստ շրջանառվող տեղեկատվության, «սլիվը» արել էր Էրեբունու թաղապետարանում աշխատող իր ընկերոջ՝ Բաբկեն Ղազարյանի («Թոխմախի Բաբո») միջոցով:
Ու թեև այդ պահին Վանեցյանին փրկեց իր մայրը, որը նախագահականի աշխատակազմում վարչության պետ էր, սակայն 2018-ի ապրիլին ինքն առիթը բաց չթողեց ՀՀԿ-ական իշխանություններին գցելու և հեղափոխությանը աջակցելու միջոցով հնարավոր քրեական հետապնդումից խուսափելու հնարավորությունը:
Բայց ԱԱԾ-ին ու ապա ՀՀԿ-ին գցողը շատ արագ որոշեց նաև Նիկոլ Փաշինյանին գցել:
ԼՐԱՑՈՒՄ. Քիչ առաջ ինձ հետ կապնվեց Բաբկեն Ղազարյանը և խնդրեց իմ հետևորներին տեղեկացնեմ, որ ինքը հերքում է իր կապը նկարագրվածի հետ:
Մի հետաքրքիր պատմություն՝ Արթուր Վանեցյանի անցյալիցՍրանից մի 8-9 տարի առաջ, երբ Արթուր Վանեցյանը ԱԱԾ Էրեբունի և…
Posted by Daniel Ioannisyan on Wednesday, June 3, 2020
