ԵՄ թռչող Հայկական ավիաընկերություններ գոյություն չունեն, որ մի հատ էլ արգելվեն նրանց թռիչքները դեպի ԵՄ

2. Երբ ՌՔ-ն հետագայում ՍՍ-ն հետեւողականորեն ոչնչացրեցին հայկական ավիացիան, ստեղծեցին պարարտ հող նման երեւույթների համար, այս նույն լրատվամիջոցները ծպտուն անգամ չէին հանում:

3. Եթե հայկական անձնակազմը աշխատում է այլ երկրների ընկերություններում, դա չի նշանակում, որ այդ ընկերությունը հայկական է: Տվյալ դեպքը վերաբերվում է Արմենիա ընկերությանը, որը վրացական է ու նա սեւ ցուցակում չի հայտնվի, որովհետեւ թռիչքները իրականացնում է վրացական կոդով:

4. Տաթեւիկ Ռեւազյանին մեղադրելը շատ հեշտ է, որովհետեւ ոմանց համար լավ թիրախ է: Իսկ նա արել է այն, ինչ իրեն հանձնարարել են, ինքն էլ կատարել է այդ հանձնարարությունը, ավելին նրանից չէին պահանջում: Մասնավորապես վերստուգել նախկինում կատարված ապօրինի գործարքները կամ վերահսկել թռիչքների անվտանգությունը:

5. Կարծում եմ, գոնե հիմա ավելի լուրջ է պետք վերաբերվել այս ոլորտին: Ինչի մասին արդեն շուրջ 20 տարի բարձրաձայնել եմ: Նույնիսկ 1 տարի առաջ կառավարությանն եմ ներկայացրել ոլորտի զարգացման հայեցակարգը ու ինչքան տեղյակ եմ ավիացիայի այլ մասնագետներ եւս իրենց ծրագրերն են ներկայացրել:

6. Փաստորեն EASA-ն էլ է ասում, ստեղծեք սեփական ավիաընկերություն ու վերահսկեք թռիչքների անվտանգությունը, այդ ժամանակ ԵՄ-ի օդային դարպասները կբացվեն, մի ընդօրինակեք գաճաճ պետություններին:

Հայաստանի Քաղավիացիայի նախկին պետ Շահեն Պետրոսյան