Ինչպե՞ս են Դավթաշենում պահպանում պարետատան ցուցումները

Արդյո՞ք պահպանվում են պարետատան ցուցումները․ SHANTNEWS-ի նկարահանող խումբը կրկին շրջել է մայրաքաղաքով և հետևել քաղաքացիների անցուդարձին։ Այս անգամ առանց մեկնաբանության կադրերը պատմում են Դավթաշեն վարչական շրջանում տիրող իրավիճակի մասին։

Ինչպես ավելի վաղ հայտնել էինք, մայիսի 28-ին՝ ժամը 11:00-ի դրությամբ, հաստատվել է կորոնավիրուսային հիվանդության ընդհանուր 8216 դեպք, որոնցից 3287-ն` առողջացած, 113-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4772 պացիենտ:

Ընդհանուր առմամբ կատարվել է 54931 թեստավորում:

Այսպիսով` ունենք կորոնավիրուսային հիվանդությամբ հաստատված 442 նոր դեպք և 32 առողջացած։

Տեղեկացնենք, որ արձանագրվել է կորոնավիրուսային հիվանդությունից 15 մահվան դեպք։ Նրանցից ամենատարեցը 92 տարեկան է, իսկ երիտասարդը՝ 43։