Ավելի քան 120 կրթական, սպորտային և մշակութային հաստատություններում կապիտալ շինարարություն կիրականացվի:
Դրանք կապահովվեն անհրաժեշտ գույքով։
Որոշ վայրերում արդեն ընթանում են ավարտական փուլի աշխատանքները, հայտնում են կառավարությունից:
Հիշեցնենք, որ ՀՀ ՏԿԵ նախարար Սուրեն Պապիկյանն ԱԺ-ում՝ ի պատասխան «Լուսավոր Հայաստան» խմբակցության պատգամավոր Արկադի Խաչատրյանի հարցի ասաց .
«Ինչպե՞ս ենք պատրաստվում ապահովել կապիտալ ծախսերի իրականացումն ամբողջ ծավալով: Եթե կապիտալ ծախսերն այս տարի չիրականացվեն, արդյոք դա կդիտարկեք կառավարության ամենամեծ ձախողումներից մեկը՝ հակաճգնաժամային միջոցառումների համատեքստում»,- հարցրեց պատգամավորը:
«Այս փուլում 90 տոկոսով ավարտված են բոլոր մրցույթները, ունենք բոլոր ուղղություններով հաղթողներ, մասնակիցները կան: Եվ խոսել մայիս ամսվա ձախողման մասին և հարց տալ, թե արդյոք դա կհամարենք ձախողում, կասեմ՝ ոչ, մենք չենք պատրաստվում ձախողել, ավելին, ամեն գնով մեր կողմից շարունակվելու է ամեն ինչ, որ կապիտալ շինարարությունն իրականացվի հավուր պատշաճի և ժամկետներում»,- ասաց Սուրեն Պապիկյանը:
Ավելի քան 120 կրթական, սպորտային եւ մշակութային հաստատություններում կապիտալ շինարարություն կիրականացվի, կապահովվի անհրաժեշտ գույք։Որոշ վայրերում արդեն ընթանում են ավարտական փուլի աշխատանքները։#ArmGov
Posted by ՀՀ կառավարություն on Wednesday, May 27, 2020
