Բելառուսում վերջին մեկ օրվա ընթացքում հայտնաբերվել է կորոնավիրուսով վարակման 915 նոր դեպք։ Վարակվածների ընդհանուր թիվը կազմել է 38059 մարդ։ Մեկ օրում կորոնավիրուսից մահացել է չորս մարդ։ Ընդհանուր առմամբ մահացությունը կամզում է 208 մարդ։ Առողջացածների թիվը կազմում է 15 086 մարդ։
Մայիսի 26-ին աշխարհում կորոնավիրուսով վարակվածների թիվը կազմել է 5 590 358 մարդ։ Մահացածների ընդհանուր թիվը կազմել է 347 907 մարդ, բուժվածներինը՝ 2 366 574 մարդ։
Հիշեցնենք, որ Հայաստանում մայիսի 26-ի դրությամբ` կորոնավիրուսի դեպքերի թիվն ավելացել է 289-ով, վարակվածների ընդհանուր թիվը հասել է 7402-ի (մայիսի 25-ին՝ 7113): Այս մասին հայտնում են ՀՀ ԱՆ հիվանդությունների վերահսկման և կանխարգելման ազգային կենտրոնից:
Մեկ օրում առողջացածների թիվը 75 է, ընդհանուր առողջացածներինը՝ 3220: Փաստացի բուժում է ստանում 4052 քաղաքացի: Ընդհանուր առմամբ թեստավորվել է 52554 քաղաքացի:
Կորոնավիրուսի հետևանքով մինչ այժմ գրանցվել է մահվան 91 դեպք, երեկվա համեմատ՝ 4-ով ավելի: Այլ պատճառներով մահվան ելքերի թիվը 39 է:
