Ռեստորանները, սրճարանները, վարսավիրանոցները, որոնք չեն պահպանում հակահամաճարակային կանոնները, դաժան ձևով փակվելու են, և ոչ միայն 24 ժամով: Այս մասին քիչ առաջ ուղիղ եթերում հայտնեց վարչապետ Փաշինյանը` շեշտելով, որ կորոնավիրուսով վարակման վտանգը Հայաստանում կտրուկ մեծացել է:
Կորոնավիրուսի նոր բռնկում ունենք, բայց գնաճի առումով ամենացածր գնաճ ունեցող երկրներից ենք աշխարհում, նաև ազգային արժույթի տատանումների և ցնցումների առումով ամենակայուն վիճակն ենք ունեցել։
Մենք կատարել ենք այնպիսի ընտրություն, որ իրավիճակը պահենք մաքսիմալ հավասարակշռված»,- ասաց վարչապետը։
Նա նշեց, որ ամենամեծ նոր դեպքերը նաև բանկային համակարգում են գրանցվել։ «Հակաճգնաժամային 9-րդ միջոցառմամբ նկատի ենք ունեցել աշխատանք չունեցող քաղաքացիներին, և նրանք իրենց աջակցությունն ստանալու համար պիտի բանկ գնային։ Նրանք բանկ գնացին, բանկերը, ցավոք, ոչ բոլոր դեպքերում պատշաճ պահեցին անվտանգության կանոնները և ստացվեց, որ մեր օգնություններով մարդկանց օգնել ենք վարակվել»,- ընդգծեց Փաշինյանը։
Կորոնավիրուսի նոր բռնկման մասին։
Posted by Nikol Pashinyan / Նիկոլ Փաշինյան on Sunday, May 24, 2020
