ԱՄՆ-ում մեկ օրում կորոնավիրուսով վարակվածների թիվը ավելացել է 21,6 հազարով, այս մասին են վկայում Ջոն Հոփկինսի համալսարանի տվյալները:
Նախօրեին կորոնավիրուսով վարակվել էր 23,8 հազար պացիենտ: Երկրում ընդհանուր առմամբ վարակվել է 1,6 մլն մարդ, կորոնավիրուսից մահացել է 97 հազար մարդ:
Ինչպես ավելի վաղ հատնել էինք, Հայաստանում մայիսի 24-ի դրությամբ կորոնավիրուսի դեպքերի թիվն ավելացել է 359-ով, վարակվածների ընդհանուր թիվը հասել է 6661-ի (մայիսի 23-ին՝ 6302), այս մասին հայտնում են ՀՀ ԱՆ հիվանդությունների վերահսկման և կանխարգելման ազգային կենտրոնից:
Մեկ օրում առողջացածների թիվը 128 է, ընդհանուր առողջացածներինը՝ 3064: Փաստացի բուժում է ստանում 3 հազար 483 քաղաքացի: Ընդհանուր առմամբ թեստավորվել է 50397 քաղաքացի:
Կորոնավիրուսի հետևանքով մինչ այժմ գրանցվել է մահվան 81 դեպք: Այլ պատճառով մահվան ելքերի թիվը 33-ն է:
«Նախորդ օրը արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 33 է»,- ասվում է ՀՀ ԱՆ հաղորդագրության մեջ:
