«Ժամանակ» թերթը գրում է. «Կառավարությունը պատրաստվում է ներդնել երեք նոր ճանապարհային երթևեկության նշան՝ «Զբոսաշրջային ավտոբուսների համար կայանատեղ», «Բացի զբոսաշրջային ավտոբուսներից», «Շրջիկ առևտուր իրականացնող տրանսպորտային միջոցների համար կայանատեղ»։
Ըստ կառավարության՝ նման նշանների ներդրումը պայմանավորված է ՀՀ-ում զբոսաշրջային գործունեություն ծավալող կազմակերպությունների գործունեության արդյունավետության բարձրացման անհրաժեշտությամբ»:
Հայաստանի Հանրապետության ոստիկանությունը տեղեկացնում է, որ մարդկային կուտակումներ առաջացնող հերթերից խուսափելու և դրանով պայմանավորված՝ վարակի տարածումը կանխելու նպատակով Ճանապարհային ոստիկանության հաշվառման-քննական ստորաբաժանումներում մայիսի 23-ից սկսած՝ վարորդական իրավունքի վկայական ստանալու քննությունները կիրականացվեն միայն նախնական գրանցմամբ։
Այս մասին հաղորդագրություն է տարածել ՀՀ ոստիկանությունը։
Քննություններին մասնակցելու համար նախօրոք պայմանավորվածություն ձեռք բերելու նպատակով՝ անհրաժեշտ է е-request.am համակարգի միջոցով կամ info@roadpolice.am էլեկտրոնային փոստով տրամադրել կոնտակտային տվյալ։
