«Ցավով պետք է տեղեկացնեմ, որ այս չարաբաստիկ համավարակի հետևանքով՝ կյանքից հեռացավ ֆիզիկայի իմ ուսուցիչը, վաստակաշատ մանկավարժը, մեր դպրոցի երկարամյա փոխտնօրենը, ՄԵՐ Սիրականյանը…
Ցավակցում եմ Սիրականյանների ընտանիքին, ուսուցչական կոլեկտիվին, մեր համագյուղացիներին։
Ինչպես ավելի վաղ հայտնել էինք, ԱՆ Հիվանդությունների վերահսկման և կանխարգելման ազգային կենտրոնից հայտնում են, որ մայիսի 20-ի, ժամը 11:00-ի դրությամբ՝ հաստատվել է կորոնավիրուսային հիվանդության ընդհանուր 5271 դեպք, որոնցից 2419-ն` առողջացած, 67-ը` մահվան ելքով, երեկվա համեմատ՝ 3-ով ավելի։Կորոնավիրուսային հիվանդությամբ այս պահին փաստացի բուժում է ստանում 2758 պացիենտ: Ընդհանուր առմամբ, կատարվել է 44071 թեստավորում:
Այսպիսով` ունենք կորոնավիրուսային հիվանդությամբ հաստատված 230 նոր դեպք և 255 առողջացած։
Մինչ օրս գրանցվել է կորոնավիրուսային վարակ ունեցող պացիենտների՝ այլ պատճառներով մահվան 27 դեպք։
