Իսրայելի առողջապահության նախարար Յուլի Էդելշտեյնը ծայրահեղ շոգի պատճառով չեղյալ է հայտարարել փողոցներում և դպրոցներում դիմակների պարտադիր կրումը:
Նրա խոսքով՝ պետք է լուրջ վերաբերվել կորոնավիրուսային վարակից պաշտպանվելու միջոցներին, սակայն շոգը նույնպես կարող է վտանգավոր լինել:
«Մասնագետների առաջարկությունների հիման վրա ես հանձնարարել եմ ստորագրել դպրոցներում և հանրային վայրերում առանց դիմակների գտնվելու թույլտվությունը»,-հայտնել է Էդելշտեյնը:
Այժմ թույլ է տրվում առանց դիմակների գտնվել փողոցներում և դպրոցների տարածքներում, ինչպես նաև առանց օդորակիչների տարածքներում։ Հրամանագիրը գործում է մինչև մայիսի 26-ը:
Վերջին օրերին Իսրայելի շատ շրջաններում օդի ջերմաստիճանը գերազանցում է +40 աստիճանը՝ ըստ Ցելսիուսի։
