Առողջապահության նախարար Արսեն Թորոսյանը ֆեյսբուքյան իր էջում գրում է՝
«Իմ կորոնավիրուսի թեստի պատասխանը բացասական է: Ես որևէ գանգատ չունեմ: Մոտ ժամանակներս շփումներս կհասցնեմ գրեթե 0-ի, որևէ մեկին չվտանգելու համար»:
Ինչպես ավելի վաղ հայտնել էինք, քառողջապահության նախարար Արսեն Թորոսյանն ինքնամեկուսացվել է։
Այսօր կառավարությունում մամուլի ասուլիսի ժամանակ փոխնախարար Լենա Նանուշյանին հարց ուղղեցին՝ ինչո՞ւ Արսեն Թորոսյանը կառավարության նիստին չէր մասնակցում։
Նանուշյանը պատասխանեց, որ որեւէ կազմակերպություն այսօր երկար չի կարող զերծ մնալ կորոնավիրուսային հիվանդության թափանցումից։
«Մենք նույնպես անմասն չենք մնացել, Առողջապահության նախարարությունում ունեցել ենք դեպք, որի պատճառով որոշ աշխատակիցներ, այդ թվում՝ Արսեն Թորոսյանը, ինքնամեկուսացված են»,- ասաց նա։
