Հայրենական մեծ պատերազմում հաղթանակի 75-ամյակի առթիվ Հանրապետության նախագաh Արմեն Սարգսյանին շնորհավորական ուղերձ է հղել Բելառուսի նախագահ Ալեքսանդր Լուկաշենկոն։ Այս մասին հայտնում են ՀՀ նախագահի աշխատակազմի տեղեկատվության և հասարակայնության հետ կապերի վարչությունից։
«Բելառուսի ողջ ժողովրդի և անձամբ իմ անունից սրտանց շնորհավորում եմ Ձեզ և հայ ժողովրդին Հայրենական մեծ պատերազմում հաղթանակի 75-ամյակի առթիվ։
Մարտի դաշտում մեր հայրերի և պապերի սխրանքն, ինչպես նաև թիկունքում հաղթանակը կերտողների անձնուրաց աշխատանքը մեզ համար մնալու են որպես հպարտության անսպառ աղբյուր և հայրենիքի նկատմամբ սիրո ու անսահման հայրենասիրության օրինակ։
Համոզված եմ, որ ֆաշիզմի նկատմամբ մեր ընդհանուր հաղթանակը հետագայում ևս կծառայի ի շահ մեր երկկողմ բարեկամական հարաբերությունների զարգացման»,- ասված է Բելառուսի նախագահի ուղերձում։
