«Տավուշ տեքստիլը» սկսեց բարձորակ պաշտպանիչ դիմակների զանգվածային արտադրությունը։ Առաջիկա օրերին կարտադրվի օրը 150 հազար հատ, շաբաթվա վերջին՝ օրը 300 հազար հատ։
Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանն ու կից տեսանյութ հրապարակել։
Հիշեցնենք, որ կորոնավիրուսի և տնտեսական հարցերի քննարկմանն ուղիղ եթերում վարչապետ Նիկոլ Փաշինյանն ասաց, որ Հայաստանում մեծ հզորությամբ դիմակների արտադրություն է սկսվում, և հույս ունենք, որ մինչև 200 հազար դիմակ կարտադրվի, և դիմակի խնդիր չենք ունենա։
Պարետ Տիգրան Ավինյանը տեղեկացրեց, որ Տավուշի մարզպետի փոխանցմամբ՝ արտադրությունը պետք է սկսվի արդեն այսօրվանից։
Նա վստահեցրեց, որ դիմակների պակասուրդ չունեն, խնդիրը հիմնականում գներն են։ Ավինյանն ասաց, որ այս փուլում շատ կարևոր է բոլոր քաղաքացիներին ձեռնոցներով և դիմակներով ապահովելը։
Առողջապահության նախարար Արսեն Թորոսյանը նշեց, որ աշխատավայրերում ջերմաչափումը պետք է կատարվի երկու անգամ՝ առավոտյան և օրվա երկրորդ կեսին։ Դա ևս մեկ հնարավորություն է հիվանդներին հայտնաբերելու ուղղությամբ։
«Տավուշ տեքստիլը» սկսեց բարձորակ պաշտպանիչ դիմակների զանգվածային արտադրությունը։ Առաջիկա օրերին կարտադրվի օրը 150 հազար հատ, շաբաթվա վերջին՝ օրը 300 հազար հատ։
Posted by Nikol Pashinyan / Նիկոլ Փաշինյան on Sunday, May 3, 2020
