ՀՀ ԱՆ ՀՎԿԱԿ վարակիչ հիվանդությունների համաճարակաբանության բաժնի պետ Լիանա Թորոսյանը ֆեյսբուքյան էջում հետևյալ գրառումն է արել.
«Հարգելիներս, նախ՝ ուզում եմ տեղեկացնել, որ լավ եմ…. Շնորհակալ եմ այսքան ստացած զանգերի, անհանգստությունների, բարեմաղթանքների ու գնահատականների համար:
Որպես մասնագետ, ուզում եմ անրադառնալ որոշ սահմանափակումների հանմանը:
Ժողովուրդ ջան, իհարկե, երկար չէին կարող մնալ սահմանափակումները, սակայն վերջինս չի նշանակում «անզուսպ» և «անթողելի» վերաբերմունք: Այս հիվանդությունը դարձել է ոչ ավելին, քան «վարքագծային վերաբերմունք» պահանջող հիվանդություն:
Սահմանափակումների հանումն առավել խիստ է դարձնում յուրաքանչյուրիս պատասխանատվությունը թե՛ մեր, թե՛ մեր շրջապատի և հատկապես մեր ծնողների հանդեպ, ինչը գերագույնս պահանջում է լինել առավել զգոն, նրբանկատ ու ինչու չէ, նաև իրավիճակին նայել «մասնագետի աչքերով» (քանի որ բոլորս արդեն դարձել ենք փոքր թե շատ համաճարակաբաններ):
Մաղթում եմ բոլորիս առողջություն և աչալրջություն, իսկ գործընկերներիս՝ մարտական համբերություն:
Միասին և գրագետ մոտեցմամբ կարող ենք հաղթահարել յուրաքանչյուր մարտահրավեր, անգամ հանրային առողջապահության ոլորտում միջազգային նշանակության արտակարգ իրավիճակ թելադրող ….
Առողջ ու սթափ եղեք»:
Հարգելիներս… նախ ուզում եմ տեղեկացնել, որ լավ եմ…. Շնորհակալ եմ այսքան ստացած զանգերի, անհանգստությունների,…
Posted by Лиана Торосян on Friday, May 1, 2020
