Այն մայրերի երեխաները, ովքեր էլեկտրոնային ծխախոտ կամ նիկոտինի փոխարինող միջոցներ են օգտագործում, գանգի դեֆեկտների զարգացման մեծ վտանգի են ենթարկված կրծքով կերակրելու ընթացքում:
Փորձարկումներն անցկացվել են մկների վրա, որոնց ընթացքում ձագերին կերակրող մկան խմելու ջրի մեջ նիկոտին է ավելացվել` օրական ծխախոտի կես կամ մի ամբողջ տուփին համարժեք քանակությամբ:
Գիտնականները պարզել են, որ 15-օրական ձագերի մոտ գլխի գագաթի հատվածում գանգի հոդերը նեղացել են, ինչը ժամանակից շուտ սոսնձման գործընթացի է հանգեցրել: Քանի որ մկներն այս տարիքում ջուր չեն խմում, կրծքի կաթը նիկոտինի ազդեցության միակ հնարավոր աղբյուրն էր:
Գիտնականները նշում են, որ նորածինների շրջանում գանգի նման անոմալիան ոչ միայն փոխում է գլխի ձեւը, այլեւ կարող է նյարդավիրաբուժական միջամտություն պահանջել` ուղեղին բավարար տարածք տրամադրելու համար:
