Կանադան նախազգուշացնող հայտարարություն է արել առանց բժշկի նշանակման քլորոքին եւ հիդրոքսիքլորոքին օգտագործելու դեմ, հաղորդում է CNBC-ը։
«Կանադայի առողջապահության նախարարությունը մտահոգված է, որ որոշ մարդիկ կարող են ինքնուրույն գնել եւ օգտագործել քլորոքին կամ հիդրոքսիքլրորոքին COVID-19-ի բուժման կամ պրոֆիլակտիկայի համար»,-հայտարարել են երկրի առողջապահության նախարարությունում։ Նշվում է, որ չկան թույլատրված դեղամիջոցներ կորոնավիրուսի պրոֆիլակտիկայի կամ բուժման համար։
Նախազգուշացումը հետեւել է ԱՄՆ՝ սննդամթերքի եւ դեղորայքի վերահսկողության վարչության համանման հայտարարությանը մահացու դեպքերի եւ թունավորումների մասին հաղորդագրություններից հետո։
