Համացանցում հայտնվել է տեսանյութ, որտեղ Վնասվածքաբանության և օրթոպեդիայի գիտական կենտրոնի բուժաշխատողները, ովքեր այս օրերին պայքարում են կորոնավիրուսի դեմ, մոմավառություն են կազմակերպել ի հիշատակ Մեծ Եղեռնի զոհերի հիշատակին:
Հիշեցնենք, որ այսօր ապրիլի 24-ն է, Հայոց ցեղասպանության զոհերի հիշատակի օրը։
Ամեն տարի ապրիլի 24-ին Ծիծեռնակաբերդ այցելությամբ և անմար կրակի մոտ ծաղիկներ խոնարհելով ոգեկոչել ենք Հայոց ցեղասպանության սրբադասված նահատակների հիշատակը:
Սակայն այս տարի ավանդական երթը չի կայանա. Մեծ եղեռնի 105-րդ տարելիցի միջոցառումները կանցկացվեն հեռահար՝ հաշվի առնելով արտակարգ իրավիճակով պայմանավորված առողջապահական սահմանափակումները։
Հայաստանի կառավարությունը հանդես է եկել նախաձեռնությամբ, որը Ծիծեռնակաբերդի հուշահամալիրում խորհրդանշական ներկայության հնարավորություն կտա:
Քաղաքացիները կարող են հաղորդագրություն ուղարկել 1915 կարճ համարին Հայաստանից, և 0037433191500 համարին՝ արտասահմանից։ Հաղորդագրություն ուղարկած քաղաքացիների անունները կարտացոլվեն հուշահամալիրի սյուներին` այդպիսով ազդարարելով իրենց խորհրդանշական մասնակցությունը և հարգանքի տուրքը Սուրբ նահատակների հիշատակին։
Գարուն ա, ձուն ա արել…
Posted by Urumyan Urumyan on Friday, April 24, 2020
