Կորոնավիրուսը մեկ րոպեում ոչնչանում է արևի ուղիղ ճառագայթներից: Լրագրողների հետ հանդիպման ժամանակ նման կարծիք է հայտնել ԱՄՆ-ի նախագահ Դոնալդ Թրամփը:
«Այն պայմանով, որ մենք մեր մարմինը կենթարկենք ուլտրամանուշակագույն ճառագայթման ազդեցությանը կամ, պարզապես, շատ հզոր լույսի: Եթե մենք կարողանանք այնպես անել, որ այդ լույսը հայտնվի մեր օրգանիզմի ներսում՝ մաշկի միջոցով կամ այլ կերպ, ապա դա կոչնչացնի կորոնավիրուսը մեկ րոպեում»,- ասել է Թրամփը:
Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է ավելի քան 180 երկրում: Վերջին տեղեկությունների համաձայն՝ ողջ աշխարհում կորոնավիրուսով վարակվածների թիվը գերազանցել է 2,7 մլն-ը, մահացածներինը՝ 190 000-ը:
