Վարչապետ Փաշինյանն իր ֆեյսբւոքյան էջում նոր գրառում է կատարել, որտեղ մասնավորապես ասվում է.
Սիրելի հայրենակիցներ, այսօր ժամը 20.00-ին հանդես կգամ հեռուստատեսային ուղերձով՝ կորոնավիրուսի համաճարակի եւ դրա բերած սոցիալ-տնտեսական հետեւանքների հաղթահարման մեր անելիքների վերաբերյալ:
Ինչպես ավելի վաղ հայտնել էինք, ապրիլի 17-ի ժամը 11:00-ի տվյալներով Հայաստանում արձանագրվել է կորոնավիրուսով վարակի 42 նոր դեպք, ընդհանուր՝ 1201։
Առողջացածները 44-ն են, ընդհանուր՝ 402, փաստացի բուժվողները 780-ն են:
Երեկ 1161 թեստ է արվել, ընդհանուր՝ 10793:
Մահացել է 1 մարդ, ընդհանուր՝ 19:
Վերջին մահվան դեպքն արձանագրվել է «Սուրբ Գրիգոր Լուսավորիչ» բժշկական կենտրոնում։ 58-ամյա պացիենտն ունեցել է կորոնավիրուսային հիվանդություն, հաստատված երկկողմանի սուբտոտալ թոքաբորբ։ Տղամարդն ունեցել է նաև ուղեկցող խրոնիկ հիվանդություններ` սրտի իշեմիկ հիվանդություն, զարկերակային գերճնշում՝ III աստիճանի, ճարպակալում՝ II-III աստիճանի: Բուժման ընթացքում ախտորոշվել է սրտամկանի սուր ինֆարկտ` ST էլևացիայով:
Ապրիլի 8-ին կատարվել է կորոնար զարկերակի ստենտավորում, որից հետո պացիենտի մոտ զարգացել է դիսթրես համախտանիշ, սուր շնչառական անբավարարություն՝ III աստիճանի, սեպսիս, սեպտիկ շոկ: Երկարատև թոքային արհեստական շնչառությունից հետո զարգացել է հարաճուն պոլիօրգանային անբավարարություն:
