ՀՀ առողջապահության նախարարի խորհրդական Աշոտ Սարգսյանը ֆեյսբուքյան էջում լուսանկար է հրապարակել՝ կից նշելով.
«Մեր կարանտինային գոտիներից մեկի այսօրվա դեսերտը»:
Մեկնաբանություններում նա նաև հրապարակել է նաև մեկուսացվածների ճաշի լուսանկարը:
«Սա էլ մեր կարանտինային գոտու ճաշն է, կոմպոտ, բրինձ, լավաշ, քամած մածուն, գերմանական նրբերշիկ և միրգ»,- գրել է նա:
Ինչպես ավելի վաղ հայտնել էինք, ՀՀ-ում հաստատվել է կորոնավիրուսային հիվանդության 44 նոր դեպք, առողջացել է ևս 32 մարդ։
«Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ 66-ամյա պացիենտն ունեցել է կորոնավիրուսային հիվանդություն, հաստատված երկկողմանի ծանր թոքաբորբ։
Տղամարդն ունեցել է ուղեկցող խրոնիկ հիվանդություն՝ սրտի իշեմիկ հիվանդություն, որի հետևանքով ձևավորվել է վերին մեզենտերիալ զարկերակների թրոմբոէմբոլիա։ Կատարվել է ստորին վերջույթների ամպուտացիա։ Ցավոք, հիվանդի կյանքը չի հաջողվել փրկել։
